स्टॅनली कुब्रिक हा हॉलीवूडचा आघाडीचा दिग्दर्शक. लोलिता, स्पार्टाकस, ए क्लॉकवर्क ऑरेंज सारख्या अजरामर पण वादग्रस्त साहित्यकृतीवर कुब्रिकने सिनेमे बनवले. किचकट विषयाची सोपी मांडणी आणि तांत्रिक प्रयोगशीलता ही कु्ब्रिकच्या सिनेमाची खासियत आहे. कुब्रिकला व्हिज्युअल पोएट अर्थात दृश्यांचा कवी म्हणून संबोधलं जातं. जगभरात कुब्रिकच्या सिनेमांचा मोठा फॅन वर्ग आहे. त्यांचा उल्लेख कुब्रिकन असा केला जातो. या महान दिग्दर्शकाच्या सिनेमा निर्मितीची प्रक्रिया आणि त्यासंदर्भातले वादविवाद याचा आढावा घेणारे हे पुस्तक – कुब्रिक.

महाराष्ट्र राज्य मराठी विश्वकोश निर्मिती मंडळातील संपादक सरोजकुमार मिठारी यांचे जगणे वळणभरल्या मार्गावरून खडतरपणे झाले. त्याला अविरत कष्टाची आणि अभ्यासाची जोड आहे. हे कोणताही अभिनिवेश न बाळगता जसे आहे तसे साध्या सोप्या शब्दांत त्यांनी ‘वळण’ या आत्मकथनात मांडले आहे.